Source:
Correspondance et papiers politiques et astronomiques d'Ismaël Boulliau (1605-1694), XXIV, views 99 to 101; Gallica, Bibliothèque nationale de France
Johan Ekeblad's account of the fall, written to his father Christoffer Ekeblad on May 19/29 (Old Style), is here:
.JPEG)
.JPEG)
The letter:
Monsieur
Jay receu vostre lettre et la belle et exacte observation que vous aues faite de leclipse, sa Majesté la veue et les termes auec lesquelles vous parlez d'elle, estan[t] persuadée come elle les de vostre escrite[.] Elle estime beaucoup vostre affection et les hautz sentimens qui vous aues pour sa gloire, quand vous feres imprunté le liure dont vous parles sa M:té Sera bien ayse quil luy soit dedié elle ma dit dy avoir vn Manuscript, mais on luy enuoye d'Espagne vn [...] babylonica qui est le liure du monde le plus curieuse, ie vous enuoye lobseruation qui a esté faitte a Vpsal, Apres qui la faulte ny a pas tan[t] aporte de[s] precautions que vous, Iay escrit a Copenhagen que lon menuoyast les obseruations qui y auoient este faittes, ie vous les feray trois, Jattens icy M. Bochard au premier jour, puis M. de Saumaize et Mrs. Naude et du fresne, nous [...] sociéte et il y aura moyen de faire fleurir les lettres pour qui sa M:té a des passions incroyables et si elle peut viure elle fera aller les jeunesse[s] en un Hault point mais ce matiere par vn malheur le plus horrible du monde nous auons failly a la perdre. Elle a esté des les trois heures visiter son armee navalle auec son grand Admiral et fort peu de ses officiers affin de voir le détail de touttes chozes et verifier le raport qui Jl fau[t] dans son Conseil faisan[t] touttes chozes solidemen[t] et sanz bruit[.] Come elle passan[t] dun vaisseau a lautre M. flamin le grand l'Admiral qui allan[t] deuan[t] ayan[t] mavelse sur vne planche mal apuyée et ou la Reyne estoit, par sa pesanteur a fait tomber la planche sous luy, la Reyne a este jettée dans leau la teste la premiere dans vn espace asses petit entre les bastimens come elle est [...] sur leau steinberg son Escuyer la attrapée par la Juppe et la soutenue puisque ce quil ait esté [...] par M. de Vakmester le grand Escuyer et vn nome Wrangel officier de lamiraute, vn valet de pied est venu quelque[s] Heures apres qui a fait tout ce quhumainement on peut faire pour sauuer sa Maistresse qui estoi[t] dautant plus defforte a tirer de leau que le grand Admiral, homme pesant Sestant pris a ses habits de facon quil les a falu sauuer tous deux ensemble. cét home a paru si épouuanté quil nestoit pas raisonable la Reyne a temoigne vne resolution incroyable et de la gayete mesme pour rasseurer ses gens et sestant fait[e] Secher a linstant, elle a fait vn grand tour par la ville a cheval en retournant au chasteau, pour se faire voir au peuple, qui a este dans une consternation la nonpareille quand on a aporte cette mechante nouuelle, forces gens de condition sont venu[s] de rendre visite a la Reyne, que Jay priée de donner ordre a Sa santé, et il seroit dangereux quune grande quantité deau salez quelle a avalée luy demeurast dans le corps, qui que ce soit ni pouuoit preuoir cét accident la, le grand l'Admiral estan[t] tombe luy mesme et layant fait tombés dans leau, mais sa M:te veult trop voir le detail des chozes et si elle estoit dans vne armée come elle dit [...] parfois quelle veult quelque jour marcher a la teste, ie ne pense pas que le soin quelle se doneroit les oeilles, la negligence de manger ou quelque malheur a se comettre a voir touttes les chozes pour en estre instruitte, ne lemportast. Je vous prie de considerer Monsieur quel deplaisir mortel jeusse eu a mon etablissement de perdre vne maistresse de qui ie recois tant dhonneur, destime et de bien et qui pour ses vertus est la plus adorable personne qui soit au monde, ie vous escris dans leffroy qui iay encor depuis ce matin que Jay apris la nouuelle quelle estoit saluvagée et ay peine a dy revenir, ie vous fay scauoir et ma douleur et la ioye que iay quelle a este sauvée, a M.r de Thou Mr le [...] et M daubray sa Majesté a receu quand ie luy leus vostre lettre les sentendra pour elle eut grande satisfaction elle souhaite les occasions dy temoigner [...] effectueusement, ie suis
Monsieur
Vostre tres humble et tres
obeissan[t] seruiteur
Bourdelot
a stokolm ce 24
may 1652.
Above: Kristina is saved from the water.
,_RP-P-BI-7523.jpg)
