Source:
Mémoires concernant Christine, volume 1, page 27 (footnotes), Johan Arckenholtz, 1751
The letter:
Nos Christina, Dei gratia Suecorum, Gothorum & Vandalorum Regina &c. Notum testatumque facimus, nos illustrissimum nobis sincerè dilectum ac fidelem nostrum Regnique nostri Senatorem & Cancellarium Dnum Axelium Oxenstierna, Lib. Baronem in Kimitho, in Fyholm & Tidoen, Equitem Auratum, apud omnes Germaniæ Ordines & Status, necnon vicinas Reges, Principes ac Res publicas, Amicos & Inimicos, sicuti & quoscunque in Germania constitutos nostros ac Regni Sueciæ exercitus, Legatum cum plena & absoluta potestate constituisse sicuti etiam vigore harum Eundem in Legatum nostrum ac Regni Sueciæ consilia Belli ac Pacis dirigat ne regat. Exercituum omnium nobis Regnoque Sueciæ additorum Generalibus ac Officialibus, ut & Gubernatoribus, Præfectis, Legatis, Commissariis, Agentibus & quibuscunque Ministris, cum summa autoritate præsit: omnes Expeditiones bellicas ordinet, pacem, inducias, fœdera, sive ipse, sive per Commissarios suos ineat ac statuat: deque iis omnibus, quæ nostræ Regnique Sueciæ conservationi ac securitati commodoque publico conducunt pro discretione ac judicio suo agat, decernat ac concludat: quæ nos omnia ac singula, omni mellori modo, rata grataque sumus habituræ, inque iis ut dicto nostro Regnique Sueciæ Legato, fides ac [respective] obsequium præstetur, ab omnibus & singulis hasco visuris, uti par est, rogamus ac requirimus. Quas in majoram fidem &c.
Dat. Holmiæ 1635. die 3 Januarii.
Above: Kristina.
No comments:
Post a Comment