Source:
Ruthven correspondence. Letters and papers of Patrick Ruthven, Earl of Forth and Brentford, and of his family, A.D. 1615 - A.D. 1662, page 129, compiled, edited and published by the Roxburgh Club and William Dunn Macray, 1868
The letter:
NOS CHRISTINA, Dei gratia Suecorum, Gothorum, Vandalorumque Regina, Magna Princeps Finlandiæ, Dux Esthoniæ, Careliæ, Brohmæ, Verdæ, Stetini, Pommeraniæ, Castuliæ et Wandaliæ, Princeps Rugiæ, nec non Domina Ingriæ et Wissmariæ, constare volumus universis et singulis: Quod eum vidua Comitis a Branfort et a servitiis nostris aulicis, Domina Clara, negotiorum suorum causa, iter per Belgium in Angliam et Scotiam, aut quo sibi expedit, suscipere decreverit, idcirco quo tutius illud ingredi, negotia ibidem sua expedire, et demum sine ulla infestatione in regnum nostrum redire possit, hoc nostro salvo conductu et literis tuti itineris eandem muniendam censuimus; ac proinde ab omnibus terrarum meriamque potestatibus, regibus, rebuspublicis libris, principibus et civitatibus, nec non bellorum ducibus, thalassiarchis, generalibus, officialibus, portuum præfectis et custodibus, respective, amice, benevole et benigne requirimus, ut dictam Comitem Claram a Branfort cum rebus, sarcinis et famulis, non modo per vastum mare in Angliam et Scotiam ire, aut in portubus eorundem morari, et denique tuto redire, permittant, sed etiam, nostro nomine, omnia benevolentiæ signa et officia eidem exhibeant; quod nos in pari vel alio casu, servata cujusque conditione et statu, vicissim gratiæ agnituræ sumus. In quorum fidem præsentes, manu nostra subscriptas, sigillo nostro regio firmari jussimus. Dabantur in regia nostra Stockholmensi, die 28 Augusti, A. 1652.
CHRISTINA.
No comments:
Post a Comment