https://apw.digitale-sammlungen.de/search/display.html?start=120&q=Christina&lang=en&mode=comfort&rows=10&id=bsb00056724_00272_dok0123
The letter:
Non potest latere Serenitatem Vestram, quod postremis induciarum pactis inter nos regnumque Poloniae, cura imprimis operaque defuncti parentis Serenitatis Vestrae gloriosissimae memoriae sancitis contineatur, videlicet ut durantibus induciis tractatus pacis perpetuae reassumatur. Haec cura utrasque partes aliquanto iam tempore tenuit. Cumque animi in pacem perpotuum [!] inclinant, consensimus utrinque ut tractatus praedictae pacis quantocius instituatur locus Lubeca denominatus est. Mediatores tanto negotio conciliando praeter Serenitatem Vestram ii qui novissimus induciarum tractatibus adfuere, solo serenissimo Angliae rege ob eas quibus domi implicatur turbas excepto, mutuis votis exoptantur tempus conventui decernendum, mediatorum arbitrio permittitur ut cum illorum sciverit conditio etiam partes in praedicto loco conveniant cocantque [!] auget desiderium nostrum et ad sollicitandum Serenitatis Vestrae hac in parte operam tum arctissima illa foederis, amicitiae et salutis communis vincula, quibus invicem constingimur, tum singularis illa diligentia studiumque quo Serenitas Vestra non solum in atterendo nobiscum communi hoste, verum etiam pacandis Germaniae rebus exercuit. Haec Serenitatis Vestrae in componendis Germaniae motibus felicitas et contestata ergo nos fides amicitiaque, spem nobis facit fore ut annittente eadem una cum caeteris mediatoribus etiam inter nos et serenissimum Poloniae regem firma propediem perpetuaque pax stabiliri queat quocirca Serenitatem Vestram permantei rogamus, ut instutuendis utrinque tractatibus haud gravate operam suam interponere velit et quum primum fieri potest, legatum suum ad praedictum locum ablegare quo tractatus eo citius incaepti tanto maturius terminari queant bono ut speramus utrarumque partium et singulari per totum orbem christianum mediatoribus gloriae honorique. Nos ut ob amicitiae Serenitatis Vestrae nihil aliudquam optima quaeque sperare possumus, ita congruens votis expectationique nostrae responsum praestolabimur, magni semper aestimaturae amicitiam Serenitatis Vestrae quam mutuis officiis calentique affectu repensare conabimur. Haec omnia commissimus nostro apud Serenitatem Vestram legato ordinario magnifico et generoso nobis sincere fideli Scheringio Rosenhane, ut coram Serenitate Vestra sollicitit.
Above: Kristina.
Above: King Louis XIV of France.
No comments:
Post a Comment