Letter signed by Kristina, dated July 13, 1678

Source:

Bref och handlingar hörande till Drottning Christinas historia efter originalerna utgifne, E. S. Bring, 1832, page 12

https://books.google.com/books?id=KtRlAAAAcAAJ&pg=PA11&dq=Christina+bref+1678&hl=en&sa=X&ved=2ahUKEwiC_uaX6MrkAhUHv54KHXG7BRYQuwUwAHoECAAQBA#v=onepage&q=Christina%20bref%201678&f=false

The letter:

NOS CHRISTINA Dei gratia Suetiæ Regina, Constare uolumus; Nos Præsentium exhibitorem, Nobilem, Nobis sincere dilectum Johannem CederCrants Secretarium Nostrum, Neomagum negotiorum Nostrorum cum Nuntio Apostolico agendorum gratia ablegauisse. Quo autem tutius hoc iter suum perficere possit, Hisce Salui passus litteris eum communire uoluimus; Ab omnibus proinde & singulis Terrarum Mariumqz Summis Potestatibus, Principibus, Rebus publicis, & liberis Ciuitatibus, nec non bellorum Ducibus, Præsidiarijs, Portuum Præfectis, deniqz omnibus tam publicarum quam priuatarum rerum Administratoribus, amice, benigne seduloqz requirimus ut prædicto Nostro Secretario cum comitibus, famulis, equis, armis Sarcinis rebusque Suis non solum ubiqz locorum tutum iter indulgere, sed etiam omni fauore & benevolentia eundem complecti uelint, quod Nos grate adgnituræ & unicuiqz pro dignitatis & status ratione idem declaraturæ sumus. Dat. in Urbe & Palatio Nostro 13 Julij Anni 1678.
CHRISTINA ALEXANDRA.
(L. S.)

Above: Kristina.